Uppákomur okkar

STÓRVIÐBURÐUR HJÓLAFÓLKS Á ÍSLANDI
Hjóladagar á Akureyri
16.júlí til 18.júlí 2010

 HÖFUM GAMAN SAMAN!

Hjóladagar á Akureyri hafa nú verið nær árlegur viðburður frá árinu 2006, meðal þeirra stærstu hérlendis. Þar mætir mótorhjólafólk af öllu landinu til Akureyrar til sýna sig og sjá aðra, hjóla saman, borða og tjútta saman, njóta skemmtidagskrár þessa daga ásamt því að sækja uppákomur, kynningar og sölusýningar fyrirtækja og einstaklinga tengdum þessum geira, frá föstudegi til sunnudags. Í ár verður þetta jafnvel enn glæsilegra en verið hefur fram til þessa.

Tían, Bifhjólaklúbbur Norðuramts hefur staðið fyrir Hjóladögum, en hingað til hafa meðlimir M.C.  S.K.Á.L  haft umsjón og framkvæmd daganna í sínum höndum og gert með glæsibrag, en taka sér nú ársleyfi frá skipulagningunni sem er nú alfarið í höndum Tíunnar, en segja má með sanni að Hjóladagar sé uppákoma sem sé komin til að vera.

Við viljum sjá sem flest mótorhjólafólk hér á Hjóladögum 2010, og því langar okkur að biðja þig að láta orðið út ganga, auk þess sem gaman væri að fá að vita af hópferðum klúbba til Akureyrar fyrir hátíðina, svo við getum tekið á móti ykkur, og jafnvel fylgt ykkur í bæinn og leitt hópinn að opnunarhátið daganna sem að öllu líkindum verður haldin með svæsinni grillveislu við nýtt og glæsilegt mótorhjólasafn við Eyjafjarðarbraut sem byggt er í minningu Heiðars Þ. Jóhannsonar (Heidda # 10).  Þá minnum við á swap-meet, fyrir þá sem hefðu áhuga á að vera með þar, skemmtidagskrá á dögunum auk dansleikja.

Ef þú eða klúbburinn þinn sjáið ykkur mögulegt að mæta, væri sannarlega gaman að fá ykkur, og ef þið hafið fyrirspurnir eða skemmtilegar hugmyndir varðandi dagana, er hægt að hafa samband við formann Tíunnar, Írisi B. Sigurjónsdóttur í síma 821-5791 eða senda henni tölvupóst á This e-mail address is being protected from spambots. You need JavaScript enabled to view it Þetta netfang er varið fyrir ruslrafpósti, þú þarft að hafa Javascript virkt til að skoða það

Þessa dagana stendur yfir skipulagsvinna, en þegar dagskrá daganna liggur endanlega fyrir munum við senda hana til ykkar,  ásamt því að birta hana á www.tian.is

Með vinsemd af Akureyri